| Świętochłowice - Forum bez polityki https://forum.swietochlowice.biz/ |
|
| Dziynki... https://forum.swietochlowice.biz/viewtopic.php?f=17&t=322 |
Strona 1 z 1 |
| Autor: | Ojgyn z Pnioków [ 07 wrz 2014, 6:59 ] |
| Tytuł: | Dziynki... |
Idzie to tyż posuchać na www.ojgyn.blog.onet.pl Spómniało mi sie jak idzie rozeznować łod sia Poloka, Miymca lebo Amerikóna? Anó, to jes tak, dejcie pozór! Kiej ftosik na dródze napasztnie Amerikóna i rzyknie do niygo: – How do you do? To tyn zarôzki luftuje zymbiska, lachnie sie i gôdô: – Good! Fine! All right! I’m feeling well! Kiej ftosik juzaś sztopnie Miymca i sie go tyż spytô: – Wie geht es Ihnen? To taki Miymiec zarôzki tyż gybis pokazuje i ze śmiychym rzóndzi: – Fein! Gut! Groβartig! Wohl! „Gesund und monter!!!! A kiej tak nagabnóńć, zaszterować Polôka: – Co tam u ciebie, co słychać? Tóż zarôzki napocznie łozprawiać, iże go zymbiska targajóm, mô platfus, klamfadry i plynckiyrze, starô go ciyngiym nerwuje i świekra poradzi mu tak dopolić, coby móg jóm na suchyj aście hangnóć. Ku tymy jesce jejigo dziecka niy sóm usuchliwe a we robocie majster dowo mu nôjgorszô robota i pies łod tego łoszkliwca sómsiôda, ciyngiym mu srô na jejigo sztrółdekel. I wiycie co jô wypokopiół sie kiejsik dôwnij? Ano, skuli tego coch mocka po świycie wandrowôł i moga rzyknóńć ło sia, iżech jest jakisik tam Ojropyjczyk. A juzaś beztóż, coch jes Polôk, musza być i wajała, szkamrała. I kiej tyż mie ftosik na dródze napasztnie: – Ojgyn, i co tam u cia? Jak ci leci? Wartko mu poradza łodpedzieć: – Dziynki! Corôzki gorzij!!! I tak nikiej Miymiec lebo Amerikón krótko, znacy kurz und bindich, i jak echt Polôk – ździebko żech pojamrowôł, pra? |
|
| Strona 1 z 1 | Strefa czasowa UTC+1godz. |
| Powered by phpBB® Forum Software © phpBB Group https://www.phpbb.com/ |
|