| Świętochłowice - Forum bez polityki https://forum.swietochlowice.biz/ |
|
| My stare szoferoki... https://forum.swietochlowice.biz/viewtopic.php?f=17&t=325 |
Strona 1 z 1 |
| Autor: | Ojgyn z Pnioków [ 14 wrz 2014, 8:29 ] |
| Tytuł: | My stare szoferoki... |
Idzie to tyż posuchać na www.ojgyn.blog.onet.pl Altyshajm, łozprôwka przi śniôdaniu: – Wiycie, chopy, jô to ci już móm tak liche grace, iże ledwa poradza utrzimać ta szolka ze tyjym... – A jô, to juzaś móm taki lichy weźrok, iże bali niy poradza ujzdrzij tyj mojijj szolki... – Nóóó... jô tyż. Niy miarkuja blank na kogo żech przi łostatnim welónku głósowôł... jô blank niy widziôł żôdnych mianów na tyj welónkowyj szkartce... – Co padosz? Gôdej głóśnij! – A jô, to móm ci chopy taki reumatyzmus, iże niy poradza sie ku wóm łobrócić... – Eee tam, jô jes „ciśniyniówiec”, jô móm taki druk, iże kiej ino stana, to mi sie zarôzki we palicy kryńci tak, iże niy poradza zrobić jednego szrita.... – Ja? Jô to poradza zrobić pôrã kroków, ale nigdy niy pamiyntóm kajech miôł pójńść! – Eee, chopy, to jes wert naszygo podyszłygo wiyku... sómy już zwiykowane... – Nó, ale, chopy, niy ma jesce tak blank źle, przeca mómy jesce chocia wszyjske... prawo jazdy, prôwda? |
|
| Strona 1 z 1 | Strefa czasowa UTC+1godz. |
| Powered by phpBB® Forum Software © phpBB Group https://www.phpbb.com/ |
|