Idzie to tyż posuchać na
www.ojgyn.blog.onet.plRółzczasu jedyn sztift poprosiół swojigo majstra-filozofa:
– Sómeście majster taki móndry. Zawdy majóm łóni takô dobro launa, nigdy sie łóni niy nerwujóm, niy gorszóm sie i niy wyrcóm na nikogo. Pómogóm mi łóni, cobych i jô stôł sie gynał takim samym czowiekym jak łóni, moji wy roztomiyły majstrze!
Majster-filozof zgódziół sie, przichwolół sztiftowi i poprosiół tego swojigo sztifta, szkolorza, coby łón przismyczół jedyn kartofel i rukzak.
– Kiej ty sie synek na kogosik pogorszysz abo sie łoznerwujesz i zachowôsz uskargowani i żôl, – pedziôł filozof – weź jedyn kartofel, napisz na niym miano czowieka, ze kierym miôłeś spiyrka i wrôź kartofel do tego rukzaka.
– I to wszyjsko? – spytôł zadziwany sztift.
– Niy, niy – łodrzyknół majster-filozof. – Musisz zawdy smycyć tyn rukzak ze sia na puklu. Za kôżdóm razóm, kiej sie na kogosik pogorszysz, dociepuj rajn kolyjny kartofel.
Tyn sztift przikłôdnie i górliwie wypôłniôł polecynia majstra-filozofa. Mijôł czas, rukzak folowôł sie kartoflóma i bół corôzki ciynżyjszy. Smyczynie go wszandy ze sia bóło srogachnóm mecyjóm. Ku tymu, kartofel, kiery trefiół do rukzaka jako piyrszy, napocznół szlajferować, zaurować, deknół sie fest smródlawym szlómym. Inksze juzaś kartofle napoczli wypuszczać ablyjgery, napoczynali capić i wydziylali łostry, mierski duft i smródlawô wóniôczka.
Tyn sztift poszôł do tego swojigo majstra-filozofa i napocznół sie uskargować:
– Niy moga już tego szwajneraju wszandy ze sia smycyć. Za piyrsze, tyn rukzak jes już moc za ciynżki, a za druge – te kartofle sie gurglujóm, gerujóm. Dajóm mi łóni, panie majster, jakiesik inksze łozwiónzanie.
Na to tyn majster-filozof pedziôł:
– To samo, chopie, dziyje sie we twojij duszy. Ganc ajnfach niy poradzisz tego merknóńć prómp, łod szlagu. Dziôłania wekslujóm prziwyki. Juzaś prziwyki stôwajóm sie charaktyrym, ftory wyrôbiô smrodlawe cychy. Dôłech ci możybność prziglóndaniô sie, mustrowaniô tego procysu. Za kôżdóm razóm, kiej uzdôsz, co sie pogorszysz, abo na łopach – kiej ubliżujesz kómuś inkszymu – pomedikuj, eźli potrza ci dodatkowygo... kartofla!
Zaloguj się
Zarejestruj się
FAQ
Szukaj
