| Świętochłowice - Forum bez polityki https://forum.swietochlowice.biz/ |
|
| Batki i... szajdóng... https://forum.swietochlowice.biz/viewtopic.php?f=17&t=454 |
Strona 1 z 1 |
| Autor: | Ojgyn z Pnioków [ 11 mar 2015, 9:07 ] |
| Tytuł: | Batki i... szajdóng... |
Idzie to tyż posuchać na www.ojgyn.blog.onet.pl Siedziǒłech se kejsik przi zajdlu piwa we mojim zwykowym szynku i suchōm jak łozprawiajōm trzi kamraty, ftore po szychcie walandowali tyż we tym szynku. Łozprawiajōm ło jejich roztomajtych życiowych cufalach. Napocznōł Erich: – Łostatnio wiycie moja starǒ wyfilowała u nǒs na Wolce we takim modernym „zalōnie” batki. Take, wiycie chopy, stopierōńsko gyszpantne „stringi”. Musiǒłech chopy wybulić na to cǒłke trzista złociokōw... – Eee tam – łodzywǒ sie Antek – moja starǒ we takij modernyj terǒzki galeryji handlowyj przifilowała tyż stopierōńske „stringi” tela, co jesce ugarniyrowane brilancikōma... 1500 złociokōw mie to prziszło. Na to festelnie jankornie łodzywǒ sie trzeci kamrat, Bercik łod Majzlinyj: – Chopy! To wszyjsko jes psinco. Kiej moja starǒ łostatnio przifilowała batki, take na isto ajnfachowe, i ani to niy żǒdne „stringi”, to mie to prziszłō kajsik kole 50 tysiyncy i... szajdōng... – Jezderkusie! W jakim sklepie? – wrzeskli te piyrsze łorǒz. – Niy we sklepie, ino we naszym prykolu pod zegōwkiym... |
|
| Strona 1 z 1 | Strefa czasowa UTC+1godz. |
| Powered by phpBB® Forum Software © phpBB Group https://www.phpbb.com/ |
|