| Świętochłowice - Forum bez polityki https://forum.swietochlowice.biz/ |
|
| Widołka... https://forum.swietochlowice.biz/viewtopic.php?f=17&t=496 |
Strona 1 z 1 |
| Autor: | Ojgyn z Pnioków [ 13 maja 2015, 8:09 ] |
| Tytuł: | Widołka... |
Idzie to tyż posuchać na www.ojgyn.blog.onet.pl Rōłzczasu jedyn mody czowiek, jedyn karlus prziszǒł ku swojimu majstrowi i tak deczko opaternie pedziǒł: – Majster! Pedzieliście mi, cobych powtǒrzǒł kǒżdydziyń, iże przijimōm uciycha, radōść do swojigo życiǒ. Powtǒrzōm te zdani pǒra razy kǒżdydziyń, a tyj uciychy, tyj radōści sztyjc i jednym ciyngym mi brachuje we tym mojim życiu. Fōrt jeżech niczyji, jeżech samōtny. Cōż tyż to mōm dalszij robić? Tyn majster po milczōncku położōł przed tym karlusym trzi dinksy: widołka, becherek i świyczka. – Rzyknij mi, ftory ze tych dinksōw wybiyrǒsz? – poprosiōł majster. – Anō, wybiyrōm widołka. – łodrzyknōł tyn istny. – Nō, tōż rzyknij to piyńć razy za rajōm. – Wybiyrōm widołka, wybiyrōm widołka, wybiyrōm widołka, wybiyrōm widołka, wybiyrōm widołka... – zgodliwie łodrzyknōł tyn karlus, tyn sztift tego mōndroka majstra. – Dzisz chopie – pedziǒł tyj wajzer, tyn majster – mogesz powtǒrzać i milijōłn razy kǒżdydziyń, co wybiyrǒsz widołka, ale łod tego powtǒrzaniǒ ta widołka niy znǒjdzie sie we twojim posiǒdaniu. Musisz wyciōngnōńć graca i wziōńć jōm! |
|
| Strona 1 z 1 | Strefa czasowa UTC+1godz. |
| Powered by phpBB® Forum Software © phpBB Group https://www.phpbb.com/ |
|