Świętochłowice - Forum bez polityki

Idzie to tyż posuchać na www.ojgyn.blog.onet.pl

– Tatulku! Tatulku! Sprŏw mi koło!
– Koło, padosz? Synek, dej pokōj, smōl te koło. Doczkej a chnetki bydziesz mōg jejździć na piździku! Niy mŏsz barzij rŏd takigo moplika?
– A dyciś tatulku!
Śleciało deczko czasu i synek juzaś napoczynŏ:
– Tatulku! Tatulku! A lajstniesz mi takigo gryfnego moplika?
– Synek, niy jamruj! Mopliki sōm dlŏ pampōni, dlŏ wsiokōw. Doczkej rok, doczkej dwa a sprawia ci motoroler, taki moderny „szkuter”. Niy miŏłbyś barzij rŏd takigo motorolera?
– A dyciś tatulku, mōm motoroler barzij rŏd. Jaaaa...
Juzaś śleciało ździebko czasu i synek juzaś rzōńdzi:
– Tatulku! Tatulku! A kup tym i tyn motoroler, tyn – jakeś to pedziŏł – szkuter!
– Wiysz synek! Taki motoroler, taki szkuter jes dobry dlŏ buzerantōw, dlŏ tych co to niy majōm rade przoć dziołchōm... nō... gejōm. Doczkej jakiesik dwa-trzi lata a na isto sprawia ci srogi, hamerikōński motorcykel. Motorcykel! Motorcykel! Niy kciŏłbyś takigo szykownego motorcykla?
– Ja, tatulku, ja! Kciŏłbych taki srogi motorcykel!
Śleciało te pŏra lŏt i synek przipōminŏ swojimu tatulkowi:
– Łojciec! Nō, i co ze tym mojim motorcyklym?
– Synek! Rzykna ci prōmp i szczyrze, niy ma cweku kupować terŏzki motorcykla, kej możno za jakisik rok bydziesz już mōg jejździć autokym. Takim richticznym sztramskim autokym! Prŏwda?
– Nō, dyciś, iże prŏwda...
Śleciało juzaś deczko czasu i karlus niy dowo pokōj łojcu:
– Łojciec! Nō tōż sprŏw mi yntlich tyn gryfny autok!
– Chopie, autok? A na chuj ci tyn autok, kej ty bali i na kole niy poradzisz fyrtać?

_________________
Ojgyn z Pnioków